اموت فيه احبه

أكيد احبه .. أكيد اموت في حبه .. .. أكيد انا بفقده لاغاب عن عيني

غلاه مدري كذا يجيك من ربه .. .. من يوم شفته وحبه ساكن فيني

موج الغلا صار يلعب بي ويلعب به .. .. أغليه أنا وزاد قدره يوم يغليني

الشوق لاغاب كنه نار مشتبه .. .. ولافيه شي سوى شوفته يرضيني

هذا لحاله ولا احد فيه يتشبه .. .. لافي غيره يحركني ويغريني

الزين يذبح وحتى الخال له حبه .. .. لا شفتها فيه ضعت اقول انا ويني؟

غصب علي امدح فيه واكتب به .. .. ان ماخذاني لشعري من يوديني؟

والله احبه .. وأموت أموت في حبه!! .. .. ومن يوم شفته وغيره طاح من عيني