كلام النسوان بعد الفرح او الزواج

من طرف **الحلم** السبت أغسطس 07, 2010 4:00 pm

السلام عليكم ورحمة الله وبركاته

تعالو نقرأ سوالف الحريم بعد نهاية حفلات الزواج ,,

طبعا هالسوالف ماتحلى الا بالسياره عشان ماينسون شي
اخوهم : اركبوا السياره وكل وحده تنتبه لا تصك باب السياره على عبايتها
وبمجرد ما انقفل باب السياره ... بدأ الأستديو التحليلي ... اسمعوا ما قاله وما يقوله النساء بعد كل زواج.

الأولى : ايش فيك تأخرتي؟
الثانيه : ساعه قاعده ادور على عباتي ,, انتي ما شفتي الحريم يتضاربون عند العبايات ..العبايات تلخبطت
الثالثه : يا ليتنا ما رحنا زواج اخوهم : ليش؟
الثالثه : زحمه والبزران يتضاربون بقشر البرتقال ويلعبون بالمويه الأولى : ما شفتي ذيك اللي كبت القهوه على الحرمه اللي كانت نايمه؟
الثالثه : لا والله ما شفتها ..انا ما شفت ولا شي في الزواج ..طول الوقت قاعده ادور على جزمة بنتي مها
الثانيه : ايش رايكم في الفستان اللي لابسته هدى؟
الأولى : مو حلو ..محنقط عليها والسحاب باين
الأولى: انا اعجبني مكياج أمل ..تقول ان زوجة خالها جابته لها هدية من باريس
الثالثه : هههههه من باريس ..تضحك عليك يا هبلا ..تلقينه من محلات ابو عشره
وقفه

***************

الغريب والعجيب انهم واثناء حديثهم في السياره يقولون لبعضهم ..خلاص يا بنات بس ...ترى ما يجوز نتكلم على الناس..

ههههههههههههههههههه تكملها الثانيه : صح والله كلامك يا اختي ..ما يجوزنتكلم عليهم..بس شفتي الحرمه اللي كانت قاعده جنبي على العشاء وتقطع لي لحم؟
الأولى : ايوه شفتها ..هههههههه متوصيه فيك ..شكلها بتخطبك لولدها
الثانيه : وجع في شكلها هي وولدها ..قاعده تقطع لي من اللحم الكبار اللي ما ينوكل وهي طايحه في اللحم الزين.

العشاءاخوهم: ايش رايكم في العشاء
الثالثه : دسم وكله شحم
الأولى : باردا
لثانيه : اللحم كبار

(طبعا الحين بوفيه هذا الكلام اول)

الثانيه : وفيه حريم ما تعشوا ..قاعدين على الكراسي اللي في الكوشه..شايفين نفسهم
الأولى : حتى ام العروسه ..ما تعشت مسكينه ..طول الوقت قاعده تبكي
الثالثه : هههههههههه تبكي من الفرحه يا هبلا بس ..خلاص ..ما يجوز ..

صح والله..ما يجوز ...بس شفتي...وشفتي ..وشفتي
الثانيه : اي صح ما شفتي خلود كيف تناظرني ..؟

الثالثه : اي صح انا بعد شفتها تناظر فيك طول الوقت
الأولى : اكيد غارت من لبسك وجمالك الفائق
الثالثه : هيه خلاص عيب ما يصير نحش فيهم ما يجووز ...

واخيرا وصلنا المنزل
أخوهم : شوفوا لي حبتين باندول اكسترا